قصتي في البديعة مول

حبيباتي ...السلام عليكم ورحمة الله وبركاته..



حبيت احكي لكم موقف حصلي في ((البديعة مول)) انا ,,و اختي



في يوم من الايام كنا انا و اختي رايحين(( للبديعة مول))





نشتري بعض الاغراض اختي كانت تبي تاخذ ملابس للجامعه,,و بتاخذ شنطه تكفي الملازم ..

,,وودها بكم بلوزة كذا ..تعرفون عاد بنات الجامعه يحبون الكشخه ...







و احنا نتسوق ..اذن المغرب ,,طبعا رحنا للمصلى ,



دخلنا الا ونشوف قدامنا حرمه و جهها سمح مرة (عاملة النظافه ),,سرلنكيه او هنديه..المهم



كانت جالسه على كرسي عند غرف القياس ,,و الحمامات دخلنا قلنا لها السلام عليكم

تخيلوا تكسر الخاطر قامت ,,من الكرسي وقالت لي تبين تجلسين تفضلي قلت لها لا ..شكرا









المهم اختي راحت تتوضى للصلاة ..,وانا جلست اتامل ((حال هذي العامله)) ..

ابيك تتخيلين لو انت مكان العامله هذي,,,,









تخيلي انك تكوني من يوم تجين العمل حتى ينتهي الدوام ,, وانت في ((نفس المكان)) ..,,



لا و مو اي مكان عند الحمامات,,وغير كذا

انت محتاجه, و متغربه عن بلدك .. ,,وشغلك تنظفين القاذورات.. وتشمي الروائح ..هذا كله (غصب عنك)



لانك محتاجه لكل فلس عشان تعيلي عائلت اطفالك او امك و ابوك ....





































جلست اشوف الحريم اللي يدخلون للحمامات و لغرف القياس و المصلى



كيف كانت اوضاعهم ..اللي داخله بكيسه ,و اللي داخله بمجموعة كيس,, و تطلع منها الفساتين وتقوس



و اللي شايله السوق كله ما شاء الله مو مبقيه شي ...
















جلست اتامل حال العامله هي محتاجه و هي (انسانه) ..زينا تتمنى يكون عندها ملابس حلوة..



و اكيد نفسها في اشياء كثيره بس



ما تقدر تشتريها واذا توفر من راتبها شي

راح تبقيه لأشيا ء مهمه اكثر , او ترسله لعائلتها المحتاجه..































طيب اختي اذا كنت



مكانها ..محتاجه و ملابسك رثه و جالسه





في مكان تنظفين قاذورات الناس..

و كل يوم الحريم يدخلون ..محملين السوق محد التفت لك ..او اعطاك شي او تذكر ان فيه انسانه محتاجه في هذا المكان

ما هو موقفك؟؟؟













احبتي ..



الصراحه بعد ما صلينا المغرب رحت انا و اختي و شرينا لها شال كبير للراس ..وجوارب صوف لان الوقت كان شتاء .



.و اخذت المقسوم (مبلغ زهيد)

و حطيته بمنديل و الشال و الجوارب حطيتهم في كيسه حلوة ..















ورجعنا للمصلى عشان نعطيها الهديه البسيطه



فكانت المفاجأه!!!



















اتفقت انا و اختي على انه ..انا سيقدم الهديه للعاملة



وكنت محضره كلام كثير اقول للعامله انه هذي الهديه عشان هي اختنا في الاسلام

وكلام ....











ذهبنا دخلنا عند الحمامات و غرف القياس ,,و لم نجد العامله !!

بحثنا عنها و اذا بي اجد عند باب المصلى حذاءها البالي ..

قلت لاختي هذا حذاء العامله اكيد ..











وعند دخولنا للمصلى و جدنا العاملة تصلي ..و كانت ما تقدر تشوفنا ,,





لاننا عند باب المصلى و هي معطيتنا ظهرها.. داخل المصلى





عند انتهائها من الصلاه ..رفعت يدها للحي القيوم الذى لايفرق بين

ابيض او اسود غني او فقير ..الرزاق .. سباحانه



كانت تدعوا ..و تدعوا..









الله اعلم بما كانت تدعوا ..و عند انتهائها من الدعاء..و عند ادراكي بانها انتهت من الصلاة



ذهبت لها و قلت لها السلام عليكم و صافحتها ..



















ثم مددت لها كيس الهديه و منديل به مبلغ من المال



تخيلوا .. عيناها غرقت بالدموع و,,.جلست تبكي ..و تقول الحمد ,,لله الحمد لله ...

تحمد الرزاق الكريم الذى كانت تدعوة في صلاتها سبحانه..







في الحقيقه الموقف كان مؤثر جدا كأنها كانت تدعوا الله ثم جاء الرزق لها ..



انا تاثرت وبكيت ولم استطع ان اقول لها شئ ,,









ولكن اقول لكم تفقدوا من حولكم







ستجدون الكثير من من هو محتاج للمال ,,او للطعام , او للملابس ..,



او حتى لكلمه طيبه ..تعينه و تفرج عنه همه ..















وفى الصحيح قال صلى الله عليه و سلم:



" من فرج عن مسلم كربة من كرب الدنيا فرج الله عنه كربة من كرب يوم القيامة



(رواه الشيخان من حديث ابن عمر، كما في اللؤلؤ والمرجان، برقم 1667(.







اذا كنتم ترون ان هذة القصة تستحق ان تنشر



..انشروها ...و ارسلوها ..



جزاكم الله جنات النعيم ورزقكم العمل الصالح المتقبل آمين

وااااااااااااااااااااااو سلمت يداك

جزاك الله خير يا اختي على هذه الطيبة

شكرا لكِ

اتمنى وادعو وانصح من كل مسلم ومسلمة ان تعمل مثل هذا العمل الاخلاقي


اميرة الاحلام ان شاء الله يكون هذا العمل الرائع في ميزان حسناتك

قولي آمين

وشكرا

وبالنسبة للموضوع انه في القسم الخاطئة يجب ان انقله لقسم القصص والمواقف ..اسفة

وشكرا ^_^

مشكوووووورة على الرد وحبيت اقول لحبوبة ان انا ابغى احط موااااااااااضيع بس ما اقدر كل شوي يقول لي انتظر 120 ثانية حلي هالمشكلة

شكرا لكِ على الموضوع الرائع ^_^

تقبلي مروري

شكرا لك على الرد